Бүгүн да өкмөт үйүнүн алдында эл чогулуп жатат

Бүгүн, 10-октябрда, өкмөт үйүнүн алдына кайрадан эл топтоло баштады. Ушуну менен 5 күндөн бери өлкөдө элдик көтөрүлүш өтүүдө. 

Ал эми президент Сооронбай Жээнбеков Бишкекте өзгөчө абал киргизүү боюнча жарлыкка кол койду. Ага ылайык, куралдуу кагылышууларды басуу, мыйзамдуулуктун жана коомдук тартиптин корголушун камсыз кылуу жана жарандарды коргоо үчүн аскер техникасы менен аскердик түзүлүштөр киргизилди.  

Бүгүн ЖКнын депутаттары президенттин Бишкек шаарына өзгөчө абал киргизүү боюнча жарлыгын жана жаңы премьер-министрдин талапкерлигин карашы күтүлүүдө.