Бишкек шаарынын казысы болуп Замир Ракиев дайындалды

Бишкек шаарынын казысы болуп Замир Ракиев дайындалды. Ал тууралуу буйрукка муфтий Максатбек Токтомушев кол койгон. 

Замир Ракиев 1978-жылы Нарындагы Кочкор районунун Шамшы айылында төрөлгөн. Ал Бишкек шаарында, Египетте жана Каирде билим алган. Аламүдүн районундагы медреседе окутуучу, кийин директор, ошондой эле Нарын облусунун казысы, 2017-жылдан бери өлкөнүн муфтийинин орун басары болуп эмгектенди.Үй-бүлөлүү, 3 баланын атасы.

Бишкектин мурунку казысы Садриддин Маджитов (кант диабет оорусунан жабыркаган) быйыл 10-июлда көз жумган.