Кыргызстандын спортчулары күрөш боюнча дүйнө чемпионатында төртүнчү алтын медалга ээ болушту.
11-сентябрда Белградда (Сербия) өткөн мелдеште Акжол Махмудов 77 килограммга чейинки салмак ченинде жеңишке жетип, 2022-жылдагы дүйнө чемпиону аталды.
Буга чейин Айсулуу Тыныбекова эки жолу, Мээрим Жуманазарова бир жолу дүйнө чемпиону болушкан.
Кыргызстандык күрөш боюнча дүйнө чемпиондорунун тизмеси:
2019-жыл, Нур-Султан (Казакстан) - Айсулуу Тыныбекова;
2021-жыл, Осло (Норвегия)- Айсулуу Тыныбекова;
2021-жыл, Осло (Норвегия) – Мээрим Жуманазарова;
2022-жыл, Белград (Сербия) – Акжол Махмудов.
