Дайырбек Орунбеков: Жетим-Тоону 100 пайыз өзүбүз иштетебиз, каржы аныкталды…

 

Нарын облусундагы Жетим-Тоо кенин министрлер кабинети өзү иштетет. Бул тууралуу президенттин маалымат кызматынын жетекчиси Дайырбек Орунбеков билдирди.

Анын айтымында, темир кенин иштетүү үчүн акча аныкталды.

«Бир пайызы дагы бирөөгө берилбейт. Кенди иштете турган каржы дагы аныкталган, мамлекет темир завод куруп, жумушчулардын курамы дагы жергиликтүү элден алынат. Бир дагы чет өлкөлүк компания кирбейт. Жетим-Тоо кени, Кумтөрдөн дагы көп киреше алып келе турган долбоор. Учурда изилдөө иштери жүрүп жатат, бүтсө казуу иштери башталат», — дейт ал.