Кемпир- Абад боюнча камакка алынган Улугбек Маматаевдин абалы оор экени айтылды

 Кемпир-Абад маселеси боюнча камакка алынган активист Улугбек Маматаев реанимацияга түшкөнүн укук коргоочу Азиза Абдирасулова өз баракчасында билдирди.
 
Анын айтымында, Маматаевге операция жасалып, абалы оор.
 
Эске салсак, Маматаев жана башка активисттер, блогерлер, саясатчылар жана журналисттер Кемпир-Абад суу сактагычын Өзбекстанга өткөрүп берүүгө каршы чыкканы үчүн камакка алынган. Ички иштер министрлиги аларга кылмыш ишин козгоп, УКМКнын убактылуу кармоочу жайына киргизилген.