Кыргызстанга өзгөчө абал жарыялангандан тарта атактуу инсандар социалдык тармактарда мурдагыдан да көбүрөөк активдүү боло башташты. Алардын айрымдары дүйнөлүк челлендждерге катышып жаздык оронсо, айрымдары массалык түрдө чачтарын алышты.
Кээ бири кайрымдуулук иштерине автивдүү катышып, тобокелге барып муктаждарга кол сунууда. Айрым атактуулар элге, медицина кызматкерлерине, күч органдарына, деги эле карантин учурунда иштеп жүргөн азаматтарга арнап алкоо, тилек, ырларды айтышса, айрымдары үйлөрүнүн терезесинен же балконунан ырдап, концерт берип жатышат.
Мындай толкундан эл өкүлдөрү да артта калган жок. Алар "Ат адамдын канаты" аттуу эстафета уюштуруп, улам бири аргымак минген сүрөттөрүн чыгарып, элди зериктирбей жатышат.
Өзгөчө абал айдын аягына чейин узарды, эми алдыда дагы кандай кызыктар турат, али белгисиз...
