Июнь окуясы боюнча соттук отурум башталды

Бишкектин Биринчи Май райондук сотунда 2010-жылдагы июнь окуясы боюнча алгачкы соттук отурум башталды.
 
Жыйынга беш айыпталуучунун төртөө: мурдагы коргоо министри Исмаил Исаков, Улуттук коопсуздук мамлекеттик кызматынын мурдагы жетекчиси Кеңешбек Дүйшебаев, Жалал-Абад облусунун мурдагы губернатору Бектур Асанов жана Ички иштер министрлигинин башчысынын мурдагы биринчи орун басарынын милдетин аткаруучу, Жалал-Абад жана Ош облустарынын коменданты Бактыбек Алымбеков катышты.
 
Экс-президент Алмазбек Атамбаевди сотко алып келинген жок.
 
Соттук отурумга төрагалык кылган судья Чыңгыз Бердимуратов соттук отурум жабык эшик артында өтөрүн айтты.