Жээнбековдун жардамчысы Эрнис Толтоев президенттин Ош облусундагы ыйгарым укуктуу өкүлүнүн орун басары болуп дайындалды

Мурдагы президент Сооронбай Жээнбековдун жардамчысы болуп иштеген Эрнис Толтоев президенттин Ош облусундагы өкүлү болуп дайындалды. Бул тууралуу «Турмуш» басылмасы өздүк булагына таянып жазып чыкты. 
 
 Маалыматка караганда, ал бүгүн, 10-августта эмгек жаамат менен тааныштырылат.
 
Эрнис Толтоев 2012-жылдан баштап 2016-жылга чейин Ош облусунун ошол кездеги губернатору Сооронбай Жээнбековдун жардамчысы болуп эмгектенген. 
2016-жылы Сооронбай Жээнбеков премьер-министр болуп дайындалганда, Толтоев ага жардамчы болуп келген. 
2017-жылы президент Сооронбай Жээнбековдун жардамчысы болуп иштеген. 
2020-жылы Жээнбеков президенттиктен кеткенде Толтоев да кызматтан кеткен.