Канат Керезбеков башкарган Кыргыз мамлекеттик юридикалык академиясын жердешчиилик, тууганчылык каптап кеткени боюнча социалдык тармактарда сын-пикирлер арбын айтылып жатат.
КМЮАнын жааматы делген сүрөттө окуу жайдын дээрлик 90%и ректор Канат Керезбековдун өкүл балдары, жердештери экени жазылган.
Проректордон баштап жөнөкөй окутуучуларга чейин «тууган, жек-жаат, жердеши, өкүл балдары» экени тууралуу чыккан маалыматка Керезбеков мырза ак же көк деп үн ката элек.
Мындан улам, Канат мырза окуу жайдын кадрдык саясатындагы коомго бүдөмүк жагдайларды тастыктап же төгүндөп койсо жакшы болот эле деген шектүү көз караштар айтылып жатат…
Чындыгында Керезбеков аталган окуу жайды ректор болуп башкарып келе жаткандан бери, эки тизгин бир чылбырды колунан чыгара элек. Натыйжада, тууганчылык, жердешчиликке маани берип, напсиге жеӊдирип жиберсе керек да…
