Тенгиз Бөлтүрүк: «Паспортума тийишпегиле. Жарандык менен мекенчилдиктин ортосунда эч кандай байланыш жок”

Депутат Нуржигит Кадырбеков парламентте “Улуу көчмөндөрдүн мурасы” улуттук холдингинин президенти Тенгиз Бөлтүрүктө Канаданын жарандыгы дагы бардыгын эске салып, бир нерсе болсо чемоданын жыйнап, өлкөдөн чыгып кетпейби деген суроонун кабыргасынан койду. Ошондой эле, ал эл Бөлтүрүккө ишенбей турганын кошумчалады.

Мындан улам, Тенгиз Бөлтүрүк: “Акаевдердин да, Бакиевдердин да кош жарандуулугу бар, азыр алар кайда, мен кайда? Мен чет өлкөдөн келдим. Өзүм Түптөн болом. Ошол жерде төрөлгөм, өмүр бою ушул жерде иштегим келет. Паспортума тийишпегиле. Мен билимимди, тажрыйбамды Кыргызстанга арнагым келет. Жарандык менен мекенчилдиктин ортосунда эч кандай байланыш жок”, - деп билдирди.