Кыргызстан Россиядан “кара тизмедеги” мигранттарга мунапыс берүүнү суранды

 Кыргызстандын жетекчилери Россиядан “кара тизмедеги” кыргыз мигранттарга мунапыс берүүнү суранды. Бул тууралуу бүгүн, 27-апрелде Жогорку Кеңештин жыйынында Жээнбек Кулубаев билдирди. Жээнбек Кулбаевдин талапкерлиги Тышкы иштер министри кызматына каралууда. 
 
Анын айтымында, жакында Россиядан Кыргызстанга делегация келгенде да мигранттарга мунапыс берүү маселеси көтөрүлгөн.
 
«Өтө олуттуу эмес мыйзам бузган кыргыз жарандарына мунапыс берүү өтүнүчү менен кайрылганбыз, бул боюнча иштер жүрүп жатат»,-деди ал.
 
Ошондой эле Кулубаев президент Садыр Жапаров дагы Владимир Путинге ушул маселе боюнча кайрылганын кошумчалады.