Жеке ишкерди коркутуп акча алган Ташиевдин өкүл баласы кармалды

Өкүл атасынын атын сатып, Т.Б.Т. аттуу жеке ишкерден акча 90 миӊ сом өлчөмүндө акча алган И.А.К жана Сузак районунун Таш-Булак айыл аймагынын кызматкери Б.А.И. УКМКнын кызматкерлери тарабынан кармалган. 
 
УКМКнын басма сөз кызматы билдиргендей, кармоо 11-мартта КР Кылмыш-жаза кодексинин 343-беренесинин 1-бөлүгү («Опузалап пара талап кылуу») боюнча козголгон кылмыш ишинин алкагында жүргүзүлгөн.
 
И.А.К. КР УКМК төрагасы К.Ташиевдин өкүл баласы болуп туруп, үй-бүлөлүк мамиленин артына жашынып, Сузак районунун Таш-Булак а/а кызматкери Б.А.И. менен сүйлөшүү жолуу аркылуу жеке ишкерден коркутуу жолу менен 120 миң сом өлчөмүндө акча каражатын талап кылганы аныкталган.
    
Кармалган жарандар КР Кылмыш-жаза процессуалдык кодексинин 101-беренесине ылайык Жалал-Абад ШИИБнин убактылуу кармоочу жайына киргизилди.
    
Азыркы учурда кылмыш ишинин алкагында тиешелүү тергөө амалдары жүрүүдө. 
[video=]