Бир жыл ичинде Кыргызстандын алтын кору 41,8%га азайган

 Улуттук банктын эл аралык резервдериндеги алтындын наркы 2021-жылдын акырына карата 591,8 миллион долларды түздү. Бир жыл мурда 1 миллиард 18 миллион долларга жеткен. Жыл ичинде Кыргызстандын алтын кору 41,8%га азайган.
 
Регулятордун маалыматы боюнча, алтындын кору 2021-жылдын апрелинен июнь айына чейинки мезгилде кескин кыскарган. Апрель айында 1 миллиард 168 миллион доллар болсо, май айында 985 миллион долларга түшүп, июнда 430 миллион долларга чейин эки эсеге кыскарган. Кийинки айларда алтындын корунун наркы кайра жогорулай баштап, жыл аягына чейин 591,8 миллион долларга жеткен.