Кыргызстанда 10-апрелде дагы шайлоо өтөт

10-апрелде Кыргызстанда Чүй, Ош, Жалал-Абад, Нарын жана Ысык-Көл облустарындагы айрым жергиликтүү кеңештерге шайлоо өтөт. Бул тууралуу БШКдан кабарлашты.
 
Талапкерлерди көрсөтүү 28-февралда аяктаары көрсөтүлгөн. Айылдык кеңештин мандатына талапкерлер документтерин 21-марттан кечиктирбестен тапшырышы керек.
 
19-февралга чейин бирдиктүү жана бир мандаттуу шайлоо округдары түзүлөт. Шайлоочулардын тизмелери 31-мартка чейин түзүлөт.
 
Талапкер 6-апрелди кошкондо шайлоодон баш тарта алат. Шаардык кеңештерге ат салышып жаткандарды шайлоо өнөктүгү 11-мартта, айылда 21-мартта башталат.