Камчыбек Ташиев: Биз саат 11де тажик тарап менен жолугабыз. Анда көп маселелер чечилет

Чек арадагы абал салыштырмалуу туруктуу. Бул тууралуу УКМКнын башчысы Камчыбек Ташиев Фейсбукта түз эфирде билдирди.
 
Анын айтымында, жарандык жана аскер кызматкерлеринен жоготуулар болгон жок.
 
"Чек арадагы кырдаалдан кийин бардык мекеме, күч түзүмдөрдүн өкүлдөрү, жетекчилеринен турган штаб түзүлдү. Бул маселелерди президент өзү көзөмөлдөп жатат. Мындан сырткары биз саат 11де тажик тарап менен жолугабыз. Анда көп маселелер чечилет. Чек ара чырында аскер кызматкерлер арасында жоготуу болгон жок, 11 адам жеңил жараат алып ооруканада. Көчүп келген адамдардын бардыгы Өзгөчө кырдаалдар министрлигинин, жергиликтүү бийлигинин көзөмөлүндө. Комиссия түзүлгөн, ал бардыгын териштирип чыгат", - деди Ташиев.