Адахан Мадумаров: Жогорку Кеӊешке барбай эле прокуратуранын астында турум керек окшойт

 Жогорку Кеӊештин депутаты Адахан Мадумаров Башкы прокуратурадагы кезектеги сурактан чыкты. Ал суракка эртеӊ да чакырылганын, сурак учурунда буга чейин берилген суроолор эле кайра берилип жатканын айтты.
 
"Келем. Мен Жогорку Кеңешке барбай эле, ушул жерде турушум керек окшойт», -деди ал.
 
Эске салсак, 2009-жылы Адахан Мадумаров Коопсуздук кеңешинин катчысы болуп туруп, эки мамлекеттин Коопсуздук кеңешинин катчыларынын жетекчилиги астында Кыргызстан менен Тажикстандын мамлекеттик органдарынын жетекчилеринин жумушчу жолугушуусунун протоколуна тажик тарап менен кол койгон. Документке ылайык, кыргыз тарап Тажикстандан 5 гектар, узундугу 275 метр болгон жер тилкесин 49 жылга ижарага алган. Протокол Худжентте өткөн сүйлөшүүлөрдөн кийин кабыл алынган.