Ошто студенттерди экскурсияга барабыз деп алдашып, «Азаттык” партиясынын митингине алып келишкен

Ош шаардык ички иштер башкармалыгы массалык маалымат каражаттарында “Азаттык” саясий партиясы өз митингинде студенттерди пайдаланды деген маалыматты иликтөөдө.
 
Маалым болгондой, 4-ноябрь күнү ОшМУнун педагогика факультетинин окутуучулары административдик ресурсту пайдаланып, жашы жете элек өспүрүмдөрдү Ош шаарынын аянтына алдоо жолу менен алып келишкен.
 
Буга байланыштуу милиция митингге чыккандарды суракка алды. Аянтка келгендер 18ге чыга электиги аныкталды, алардын айтымында, мугалимдер административдик ресурс колдонуп, экскурсия убада кылып, «Азаттык» партиясынын митингине Ош шаарынын аянтына алып барышкан.
 
8 мугалим жана 15 студент суракка алынган. Мугалимдерге кылмыш иши козголуп, тергөө аяктоо алдында турат.