Кыргызстанда өткөн жылга салыштырмалуу жумушсуздук 3,4 пайызга өстү. Бул тууралуу Эмгек, социалдык коргоо жана миграция министрлиги билдирди.
Маалыматка ылайык, 2021-жылдын 1-октябрына карата Кыргызстанда 104 миң адам жумушсуз.
Жумушсуздардын эң көп пайызы Жалал-Абад облусунда катталып, анда 22 миң 195 адам туруктуу жумушу жок, бул облустун калкынын 1,79 пайызын түзөт. Эң төмөнкү көрсөткүч Нарын облусунда – 2 миң 877 адам же жалпы калктын 0,9 пайызын түзөт.
Белгиленгендей, жумушсуздардын 46 пайызын аялдар түзөт.
