Бишкекте милиция кызматкери пара талап кылууга шектелип кармалды
- 10.09.2021, 10:58,
- Саясат / Жаңылыктар
- 0
Facebook
Вконтакте
Одноклассники
Google+
Бишкек шаарынын Биринчи Май районунун ички иштер башкармалыгынын экстремизмге жана мыйзамсыз миграцияга каршы күрөшүү кызматынын кызматкери пара талап кылуу фактысы боюнча кармалды. Бул тууралуу УКМКнын басма сөз кызматы билдирди.
Милициянын майору Аламүдүн районунун тургунун алдамчылык үчүн кылмыш жоопкерчилигине тартабыз деп коркутуп, 500 доллар опузалап талап кылганы аныкталган.
"Сотко чейинки өндүрүштүн алкагында кармалган адам мындан ары тиешелүү тергөө-ыкчам иш-чараларын жүргүзүү үчүн УКМКнын убактылуу кармоочу жайына киргизилди", -деп билдиришти УКМКдан.
