Жогорку Кеӊеш жаңы шайлоо мыйзамын колдоду

 Парламент Жогорку Кеңештин депутаттарын шайлоо тууралуу президент Садыр Жапаров сунуштаган мыйзам долбоорун бүгүн экинчи жана үчүнчү окууда колдоду. Жаӊы мыйзам долбооруна ылайык, эми 36 депутат мажоритардык (бир мандаттуу), 54ү преференциалдык (партия жана анын ичиндеги талапкерди тандоо) система менен шайланат. Ал эми босого чек үчтөн беш пайызга көтөрүлгөн. "Ар бир төртүнчү депутат аял болсун" деген квота киргизилди.
 
Мыйзам долбооруна 107 депутат макул, экөө каршы добуш берди. Эми президент кол койсо мыйзам долбоору күчүнө кирет.