Шаардык кеңештерге депутат болушуп, айланып-тегеренишип эле баягылардын балдары келишти… Кыргызстан - экстердин, эскилердин эле бактысына бүткөнбү? Же бул ата-балдар Кудайдын эркелериби?
Сөздү созбой, кечээки эле Бишкек шаардык кеңешке кимдердин балдары депутат болушту деген маселеге токтололу. Бишкек аймактык шайлоо комиссиясы, 11-июлда Бишкек шаардык кеңешине өткөн шайлоонун жыйынтыгын чыгарды.
Ага ылайык «Эмгек партиясынан» Бишкек шаарынын алмашкыс депутаты Салымбеков Жумабек Мамытбаевич (Жогорку Кеңештин мурдагы депутаты Мамытбай Салымбековдун баласы) кайрадан шайланды.
«Ата-Журт Кыргызстан» партиясынан Бакыт Сыдыковдун баласы Үсөн Сыдыковдун небереси Бактыбеков Алымбек Бактыбекович, экс-башкы прокурор Камбаралы Конгантиевдин баласы Конгантиев Куванычбек Камбаралыевич кайра шайланып келишти.
«Ынтымак» партиясынан Жогорку Кеңештин депутатынын кызы Жолдошбаева Наргиза Камчыбековна, иниси Сариев Таалайбек Жолдошбаевич кайрадан шайланышты.
«Социал-демократы» партиясынан экс-президент Алмазбек Атамбаевдин баласы Атамбаев Кадырбек Алмазбекович келди.
Айтмакчы, Жалал-Абад шаардык кеңешине УКМКнын төрагасы Камчыбек Ташиевдин бала Тай-Мурас Ташиев депутат болуп отурат.
