Кыргызстандын жүк ташуучулары транзит үчүн Казакстанга 5 миң доллар төлөшөт

 
Оор жүк ташуучу унаалардын айдоочулары Казакстандын аймагы аркылуу транзит үчүн акча төлөөгө аргасыз. Бул тууралуу депутат Таабылды Тиллаев Жогорку Кеңештин жыйынында билдирди.
 
Ал министрлер кабинетине ЕАЭБдин алкагында иш алып барып, ата мекендик ташуучулардын көйгөйүн чечүүнү тапшырды.
 
«Транспорттук компаниялар мага кайрылышты, Казакстан аркылуу транзиттин кыйынчылыктары уланууда. Ар бир унаа үчүн алар бажы кызматкерлерине жана коңшу мамлекеттин башка кызматтарына 4-5 миң доллардан төлөөгө мажбур. Маселени чечишибиз керек. ЕАЭБдин алкагында кандай иштер аткарылып жатат? Эмне үчүн биздин өзүбүздүн көзөмөл өткөрүү пункттары болсо да компаниялар Кытайдан жүктөрдү Казакстан аркылуу ташыйт? " - деп сурады Таабылды Тиллаев.