ИИМдин имаратынын жанында митинг өтүүдө. Митингчилер министрдин кызматтан кетишин талап кылышууда

 Бишкекте Ички иштер министрлигинин имаратынын жанында митинг өтүүдө. 100гө жакын адам Ички иштер министри Улан Ниязбековдун кызматтан кетишин талап кылышууда. Нааразычылык акциясы Айзада Канатбекованын ишиндеги милиция кызматкерлеринин кайдыгерлигине байланыштуу уюштурулган. 
 
Катышуучулар кызгылт сары түстөгү ленталарды алып келишкен. Ленталар Ички иштер министрлигинин имаратынын тосмосуна Айзада Канатбекованын элесине байланат.
 
Эске салсак, Айзада Канатбекова 5-апрелде Бишкектеги көчөлөрдүн биринен уурдалып, муунутулуп өлтүрүлгөн.