Бишкек шаарынын мурдагы вице-мэри коррупция менен кармалды

Аскер прокуратурасы Бишкек шаарындагы кымбат жер тилкелерин берүү боюнча "Мыйзамсыз баюу" жана "Коррупция" беренелери менен тергелип жаткан иштин алкагында Улуттук коопсуздук боюнча мамлекеттик комитеттин райондордун биринин башкармалыгынын А.Ж. аттуу башчысы жана калаанын А.А. аттуу мурдагы вице-мэри кармалып, Бишкек гарнизонунун убактылуу аскер абагына киргизилди.

Тергөөдө шектүү катары кармалгандар кызмат абалынан кыянаттык менен пайдаланып, мэриянын жооптуу кызматкерлерине басым аркылуу мыйзамсыз жер тилкелерин жең ичинен сүйлөшүп, тааныш адамдарына каттатууга аракет кылышканы аныкталган.  Учурда тергөө иштери жүрүп жатат.