Жаныш Бакиевдин Алматыда жүргөнү тууралуу маалымат тарады-фото

 Социалдык тармактарда 2010-жылдагы Апрель окуясынан кийин качып кеткен Кыргызстандын президенти Курманбек Бакиевдин бир тууган агасына окшогон адамдын сүрөтү жарыяланды. 
 
Маалыматтарга караганда, Жаныш Бакиевге окшош адамды Казакстандын Алматы шаарында көрүшкөн. Сүрөт мурунку күнү мейманканалардын биринин лифтинде тартылганы такталды.
 
Лифтте коронавирустун жайылышына байланыштуу сактык чараларын көрүүгө чакырган плакаттарды көрө аласыз. Жарнамаларда Казакстан Республикасынын герби анчалык  ачык көрүнбөйт. Социалдык тармактын колдонуучулары ушундай эле постер таап, салыштыруу үчүн жарыялаган. Чындыгында ал жерде Казакстандын герби жана Казакстан Республикасынын Улуттук саламаттыкты сактоо борборунун логотиби жайгаштырылган.
 
Жаныш Бакиевдин сүрөтү Алматыда тартылгандыгы тууралуу башка далил жок.