Сүйлөшүүлөрдүн жыйынтыгында Президент Садыр Жапаров менен Казакстандын башчысы Касым-Жомарт Токаев биргелешкен билдирүү кабыл алышты. Бул тууралуу президенттин басма сөз кызматы маалымдады.
Сүйлөшүүлөрдүн жүрүшүндө мамлекет башчылары стратегиялык өнөктөштүктү жана альянсты мындан ары чыңдоонун келечегин талкуулашты, ошондой эле аймактык жана эл аралык күн тартибинин актуалдуу маселелери боюнча пикир алмашышты.
Алар буга чейин жетишилген макулдашууларды, анын ичинде Касым-Жомарт Токаевдин 2019-жылдын 27-ноябрында Кыргызстанга болгон мамлекеттик сапарынын жыйынтыгын биргелешип ишке ашыруунун маанилүүлүгүн белгилешти.
Жүргүзүлүп жаткан пандемиянын алкагында, алар коронавируска каршы биргелешкен аракеттерди күчөтүүнүн маанилүүлүгүн белгилешти. Кыргыз тарап Казакстанга көрсөткөн жардамы жана колдоосун көрсөтүүгө даярдыгы жана ар тараптуу жардам, анын ичинде гуманитардык жардам үчүн ыраазычылыгын билдирди.
Алар соода-экономикалык кызматташуу жаатында эки тараптуу мамилелерди мындан ары кеңейтүүнүн, товарлар менен кызмат көрсөтүүлөрдүн өз ара соодасынын структурасынын өсүшүн жана диверсификацияланышын камсыз кылуунун өзгөчө маанилүүлүгүн ырасташат. Мамлекет башчылары өнөр жай, гидроэнергетика, отун-энергетикалык комплекс, жер казынасын пайдалануу, айыл чарба, кайра иштетүү сектору, логистика, жол транспорттук инфраструктура жана банк тармагында кызматташуу долбоорлорун ишке ашырууга багытталган ишкер байланыштарды ар тараптуу кеңейтүү зарылдыгын белгилешти.
