Гүлнара-Клара Самат Кыргызстандын Орусиядагы элчиси болуп дайындалды

КыргызстандынОрусиядагы атайын жана ыйгарым укуктуу элчиси болуп Гүлнара-Клара Самат дайындалды. Бул тууралуу президенттик аппараттын басма сөз кызматынан билдиришти.

Тиешелүү буйрукка өлкө башчы Садыр Жапаров кол койгон.

Былтыр октябрь айында ошол кездеги президент Сооронбай Жээнбеков президенттик тактыдан кетер алдында Кыргыз өлкөсүнүн Орусиядагы мурунку элчиси Аликбек Жекшенкуловду өзүнө эскертпей эле  кызматтан алып салган.