Бишкек шаардык сотунун эшигин бузуп, ууруга киргендер изделүүдө

Бишкек шаардык сотунун имаратына түнүчүндө белгисиз бирөөлөр кирип барганына байланыштуу окуяны укук тартибин коргоо органдары иликтей башташты. Бул тууралуу 10-февралда мекеменин басма сөз кызматы кабарлады.
Маалыматта айтылгандай, окуя 10-февралга караган түнү болгон. Белгисиз бирөөлөр имаратка эшиктин кулпусун сындырып кирип барышкан.

Маалыматка ылайык, 10-февраль күнү саат 08:15те Бишкек ШИИББинин нөөмөт бөлүмүнө Бишкек шаардык сотунун имаратына ууру кирди деген маалымат түшкөн.
Жерине ыкчам-тергөө тобу барган. Учурда териштирүү иштери жүрүп жатат, тийиштүү маалыматтар берилет деп жазылат маалыматта.