Нуркамал Асканова Президенттин маалымат кызматына жетекчи болуп дайындалды

Президенттик аппараттын маалыматтык саясат бөлүмүнүн башчылыгына Нуркамал Асканова дайындалды. Бул тууралуу президенттин маалымат кызматы кабарлады.

Тиешелүү жарлыкка президент Садыр Жапаров кол койгон.

Нуркамал Асканова 25 жылдан ашык КТРКда иштеген. Ал "Кайдасын?" берүүсүнүн автору жана алып баруучусу болчу.

Буга чейин аталган кызматты аркалап келген Нургазы Анаркулов  ири өлчөмдө пара талап кылды делип кармалганы үчүн кызматынан бошотулган.