Болочок премьер-министрдин аты аталды. Бүгүн депутаттар өкмөттүн жаңы курамын дайындоого чогулат...

Бүгүн, 1-февралда, дүйшөмбү күнү Жогорку Кеңештин көпчүлүк коалициясы өкмөттүн жаңы курамын дайындоо үчүн жыйынга чогулат. Бул туурасында парламенттеги маалымат булагы билдирди.  Жыйын саат 11:00дө башталары маалым болду. 

Эл өкүлү Жанар Акаев премьер-министрлик кызматка Эсеп палатасынын төрагасы Улукбек  Марипов көрсөтүлүп жатканын кабарлады.
Ошондой эле Акаев билим берүү жана илим министри Алмаз Бейшеналиевди кызматтан алып, ордуна Кыргыз улуттук агрардык университетинин ректору Рыспек Нургазиев сунушталып жатканын жызып чыкты. Эл өкүлү мындайга жол бербей, иштеп жаткан кадрларды колдоо керектигин билдирди.

Эске салсак, президент Садыр Жапаров премьер-министрлик кызматын тапшыргандан кийин өкмөт толугу менен отставкага кеткен. Жаңы өкмөттү Жогорку Кеңештин көпчүлүк коалициясы курайт.