Кыргызстандын мурдагы президенти Сооронбай Жээнбеков шаардык сотко суракка чакыртылды. Ал камактагы Дүйшөнбек Зилалиевдин иши боюнча айыпталып жатат. Жээнбеков банктын ячейкасында табылган миллион доллардын кайдан келгени жөнүндө көрсөтмө бериши керек.
Камактагы саясатчынын адвокатынын айтымында, Зилалиев тергөө убагында банктан алынган акчалар Жээнбековдун шайлоо өнөктүгүнө камдалып, анын өзүнө тапшырылган деп көрсөтмө берген. Бирок Жээнбеков президент болуп турганда аны суракка чакыра алышкан эмес.
Сооронбай Жээнбеков соттун чакырыгына кандай жооп бергенин билдире элек. Мыйзам боюнча экс-президенттин кол тийбестик боюнча укуктары толтура, бирок сотту сыйласа, барып көрсөтмө бериши керек дешет.
Бишкектин Биринчи май соту аны күнөөлүү деп таап, тогуз жыл түрмөгө кесип, үч жылга чейин мамлекеттик кызматка барууга тыюу салган. Азыр иш шаардык сотто каралууда.
