Сот Абдил Сегизбаевди эки айга камакка алуу чечимин чыгарды

Улуттук коопсуздук боюнча мамлекеттик комитеттин мурдагы төрагасы Абдил Сегизбаевдин бөгөт чарасы бүгүн, 27-январда Бишкектин Биринчи май райондук сотунда каралып, сот аны эки айга камакка алуу чечимин чыгарды. Бул тууралуу Биринчи май райондук сотунун маалымат кызматы билдирди.
 
Тергөө иштерине байланыштуу ал 25-мартка чейин УКМКнын тергөө абагында кармалат.
 
Сегизбаев кызматтык абалын кыянаттык менен пайдалануу жана "Белизгейт" иши боюнча айыпталууда. Ал кечээ, 26-январда кармалган.