Садыр Жапаров: «Орус тили расмий тил катары сөзсүз калышы керек»

Бул тууралуу президенттикке талапкер Садыр Жапаров инстаграмдагы баракчасына жарыялаганын Адинай Марипова жазып чыкты. 
 
«Кечээ Конституциялык кеңешменин бир мүчөсү Конституциядан орус тилинин официалдуу статусун алып салууну сунуштады. 
Бул сунуш туура эмес. Орус тили ООНдун трибунасында колдонулган алты тилдин бири болот. 
Мындан сыркары биз кылымдардан бери колдонуп келген, улуттардын байланышын бириктирген тил болуп саналат. Евразия өлкөлөрү менен болгон байланышта жана карым-катнаштарды орус тилсиз жүргүзүү мүмкүн эмес. 
Ошондуктан, орус тили расмий тил катары сөзсүз калыш керек», -деди Жапаров.