Милиция БШКнын мүчөлөрүн күч менен суракка алып кетүүгө аракет кылды

Ички иштер министрилигинин кызматкерлери Борбордук шайлоо комиссиясынын мүчөлөрүн процессуалдык укугу жок күбө катары суракка алып кетүүгө аракет кылды. Бул тууралуу Боршайкомдун басма сөз кызматы билдирди. 

Маалыматка караганда, бүгүн, 21-октябрда ИИМдин кызматкерлери келип, Боробрдук шайлоо комиссиясынын мүчөлөрүн күч менен суракка алып кетүүгө аракет кылышкан. Боршайкомдун мүчөлөрү алардын аракетине каршылык көрсөтүп, суракка баруудан баш тартышкан.