Мелис Мырзакматовго түштүктү бөлүп башкаргыдай укукту ким берди?

Ош шаарынын мурдагы мэри Мелис Мырзакматов аянтта чогулуп турган миңдеген адамдар менен жолугуп, араң турган элди козуткандыгы, түндүк-түштүк маселесин козгоп, отко май чачып жаткандыгы үчүн мыйзам алдында жоопко тартылууга тийиш!


Урматтуу Мелис Мырзакматов!  Өлкөнүн түштүк региону болуп саналган, Ош, Жалал-Абад, Баткенди бөлүп башкаргыдай укукту ким сизге берди?  Минтип өлкөнү бөлүп-жарган адам мамлекеттин бүтүмдүгүнө доо кетиргендиги үчүн мыйзам алдында жоопкерчиликке тартылып, керек болсо камалышы зарыл. Өлкөнү бөлүп башкарам дегенди коюп, адегенде мурдагы коррупциялык иштериңизге жооп берип, сот алдында акталыңыз андан кийин саясатка аралашыңыз! Мындай трайбализм, элди бөлүп-жарган жоругуңар үчүн жоопко тартылышыңар керек! Силерге эч ким бийликке келип аралашканга укук берген эмес! Силерге окшогон эскинин саркындылары эс алышы керек, өлкөнү таза адамдар, жаштар башкарышы керек!