Мелис Мырзакматовдун соту 25-мартка жылды

Ош шаарынын мурдагы мэри Мелис Мырзакматовдун 10-февралга белгиленген соту 25-мартка жылды. Дээрлик 6 жылдан бери сыртта качып жүргөн Мырзакматов Кыргызстанга кайтып келүү үчүн соттон акталуу аракетин көрүп келет. 
Ага 2014-жылы ноябрда кылмыш иши козголуп, эл аралык издөө жарыяланып, 2015-жылы Ош шаардык соту тарабынан сыртынан жети жылга соттолуп, үй-мүлкүн конфискациялоо жөнүндө чечим чыккан болчу. 
Ал Оштун мэри болуп иштеп турганда эстакада көпүрөсүн курууда 30 миллион сомго жакын зыян келтирген деп айыпталган.