"Лотерея ойнотуу арам эмес". Кабылова лотереясы аркылуу сынга кабылды

Ырчы Кызсайкал Кабылова лотерея ойнотуп баштаганы "динде лотерея ойнотуу арам" деген пикирдеги адамдар көп сын айтышты. Ырчы жана анын менеджери  мындай сындарга жооп берип жатып, "Арам болгудай биз зордоп жаткан жокпуз да, биз лотереядан түшкөн каражатты муктаждарга жумшайбыз" деген пикирин билдиришти. Мындай жообу ого бетер элди кыжырдантып, дин тууралуу терең билим албай туруп сүйлөө катары бааланып, учурда интерет айдыңында кызуу талкууланып жатат.



Ал эми Муфтий Максат ажы Токтомушевдин айтымында мусулман баласы үчүн лотерея ойнотуу арам. "Лотереядан түшкөн акчаны канчалык кайрымдуулук кылса дагы арам бойдон калат. Таза кайрымдуулук кылуу керек, лотереяны кайрымдуулук деп айтууга болбойт, бул кумар" дейт ал.