Бегиш: "Жарым сааттык интервьюм 150 доллар, сүйлөшсөңөр 50 доллар"

Рэп ырчысы Бегиш жарым сааттык интервьюсун 150 долларга баалап, телеканалдардын бири конокко чакырса барбай койгондугу маалым болду. Бул тууралуу 5-каналдын оператору Бакыт Качкынов жазып чыкты. Анын айтымында кечээ, 23-сентябрь тил күнүнө карата ырчыны эфирге чакырышса, ал жарым сааттык маегин кымбат акчага баалып, барбай койгон. 

"Бүгүн рэпер атка конгон Бегиш деген ырчыны журналист балабыз тил майрамына карата жарым саатка эфирге интервью алалы деп чалса «менин телеге жарым сааттык интервьюм 150 доллар, чалып сүйлөшсөңөр 50 доллар» дептир... Атыбызды акчага алмаштырып аткан кезде, добушубузду саткан кеп деле болбой калды го?" дейт Качкынов.