"Комуз жумалыгынын" алкагында залкар комузчулар эскерилди

Комуз жумалыгынын алкагында 8-сентябрда залкар комузчулар эскерилип, маданият өкүлдөрү алардын эстеликтерине гүл коюп, таазим этишти.

Маданият, маалымат жана туризм министрлигинин басма сөз кызматы кабарлагандай, жер-жерлердеги эскерүү иш-чараларына эл артисттери, маданиятка эмгек сиңирген ишмерлер, өнөр адамдары жана жаңы таанылып келе жаткан жаш комузчулар катышты.
Гүлчамбарлар Бишкекте Токтогул Сатылгановдун, Ош шаарында Ниязалы Борошевдин жана Ысык-Көл облусунун Корумду айылында Карамолдо Орозовдун айкелдерине коюлду.

Кыргызстанда быйыл 7-13-сентябрда Комуз жумалыгы жарыяланып, эпидемиологиялык шартка байланыштуу бул иш-чара онлайн форматта өтүп жатат.