2023-жылдын 6-апрелинде ИИМдин Кылмыш иликтөө башкы башкармалыгынын кызматкерлери тарабынан Кылмыш-жаза кодексинин 161-беренеси «Порнографиялык мүнөздөгү буюмдарды таратуу» боюнча козголгон кылмыш ишинин алкагында иштер жүргүзүлгөн. Бул тууралуу Ички иштер министрлигинин басма сөз кызматы билдирди.
Өткөрүлгөн иш-чаралардын жүрүшүндө Бишкек шаарындагы компьютердик клуб катары өзүн көрсөтүп келген белгилүү бир “студиянын” дареги аныкталып, ал жерди ыкчам кызматкерлер текшерүүгө алган. Бул даректе документтер боюнча жубайлар катталганы, бирок үйдүн 1-кабатындагы чоң бөлмөдө 8 компьютер орнотулган, өзүнчө бөлмөдө 10 компьютер, 2-кабатта 4 компьютер, жер төлөдө дагы 4 компьютер бар экендиги аныкталган.
Бул “мекемеде” болжол менен 20-25 жаштардагы азиат түспөлүндөгү 7-8 жигит иштешкени белгилүү болгон. Бирок, бул балдар котормочулар экени маалым болуп, алар модель менен потенциалдуу кардардын ортосундагы ортомчулар экени такталган.
Аталган факты боюнча КРнын Кылмыш-жаза кодексинин 161-беренеси (Порнографиялык мүнөздөгү буюмдарды таратуу) боюнча кылмыш иши козголгон. Студия компьютердик клубдун атын жамынып иштеген. Документтерге ылайык, ал жерде жубайлар катталган, бирок үй ижарага берилет (айына 700 доллар).
Биринчи кабатта залда 8 компьютер, кийинки бөлмөдө дагы 10 компьютер, экинчи кабатта жана жер төлөдө 4 компьютерден орнотулган.
Кыздар өздөрү башка шаарда же өлкөдө болушу мүмкүн. Бул операторлор котормочу катары иш алып барышкан, башкача айтканда, алар видео чаттын коноктору менен баарлашкан жана алардын милдети кардарды "азгыруу" жана алардан көп акча өндүрүү болгон.
