Ош шаарында мектеп директорлугуна талапкерлерди тестирлөө 23-августта өтөт

 
Ош шаарындагы мамлекеттик жана муниципалдык окуу жайлардын директорлорунун бош кызмат орундарына тестирлөө 23-августта өтөт. Бул тууралуу Билим берүү жана илим министрлигинин басма сөз кызматы билдирди.
 
Анын айтымында, 17 бош орунга 100дөн ашык талапкердин катышуусу күтүлүүдө.
 
Эске салсак, буга чейин Баткен, Жалал-Абад жана Ош облустарында мектеп директорлорун сынактык тандоо аяктаган.