Сузакта кыздарын сабаган энеге кылмыш иши козголду — видео

Социалдык тармактарга тараган кызын уруп жаткан аялдын видеосу боюнча  Жалал-Абад облустук ички иштер башкармалагы маалымат берди.
 
Маалыматка ылайык,  2022-жылдын 28-июль күнү саат 10.00 чамасында Сузак районунун Жыгач-Коргон айылында 37 жаштагы Х.Н. өзүнүн 18 жаштагы жана 12 жаштагы кыздарын уруп койгон.
 
Кыздардын атасы 48 жаштагы О.Ж. милицияга арыз жазган. Милициянын маалыматына караганда, 37 жаштагы аял 18 жана 22 жаштагы эки кызын сабап салган. Кайрылуу «Үй-бүлөдөгү зомбулук» беренеси боюнча маалыматтарды каттоо журналына катталган.
Соттук-медициналык экспертиза дайындалып, тергөө иштери жүрүп жатат.

]