Россияда кыргызстандык киши өзүнүн өспүрүм кызын бычактады

Россиянын Москва облусундагы Щёлково шаарында кыргызстандык үй-бүлөнүн кызы бычакталды. Кыргызстандан барган 42 жаштагы эркек киши мас абалында өзүнүн 12 жаштагы кызына бычак сайганын «МК» басылмасы жарыялады. Окуя 4-июлда болгон.

Жабыркаган кызды кошуналар такси менен ооруканага жеткиришкен. Учурда анын абалы оор деп бааланып жатат.

 «Кыздын атасы окуядан кийин жакындарына телефон аркылуу кылган ишин айтып берген. Ал киши 1-топтогу майып. Учурда камакка алынып, кылмыш иши козголду», - деп айтылат маалыматта.