Кыргызстанда кыздар папиллома вирусуна каршы эмделет

2022-жылдын сентябрынан тарта Кыргызстанда кыздарды папиллома вирусуна  каршы эмдөөдөн өткөрүү пландалууда. Бул тууралуу маалымат каражаттарына Республикалык иммунопрофилактика борборунан билдиришти.
 
Саламаттыкты сактоо министрлигинин Медициналык жардам жана дары-дармек саясаты башкармалыгынын башкы адиси Раиса Асылбашеванын айтымында, Кыргыз Республикасында жатын моюнчасынын рагы дартынан каза болгондордун саны өсүүдө жана бул оору жашарууда.
 
Бул эмдөөнүн максаты жатын моюнчасынын рагын алдын алуу жана рак оорусунун алдын алуу болуп саналат.
 
Эмдөөдөн 11 жашка толгон кыздар өтөт.
 
Бүткүл дүйнөлүк саламаттыкты сактоо уюму 9 жаштан 14 жашка чейинки бардык кыздарга вакцинанын эки дозасы менен эмдөөдөн өтүүнү сунуштайт.