Бишкекте жаш жигит имараттын 8-кабатынан секирип жан кыйды

 Бишкекте жаш жигит Байтик Баатыр менен Сүйөркулов көчөлөрүнүн кесилишиндеги курулуп бүтө элек имараттын 8-кабатынан секирип жан кыйды.
 
Ал имарттын 8-кабатында 4 сааттан ашык турду. Сүйлөшүүлөр эч кандай жыйынтык берген жок. Кечки саат бештер чамасында ал секирип кеткен.
 
Куткаруучулар менен милиция кызматкерлери жигиттин сөөгүн алып чыгышкан. Жеринде тез жардам кызматы иштеп жатат. Эл көп чогулду. Окуяга күбө болгондор аны менен секирүү алдында бир кыз сүйлөшкөнүн, андан кийин чуркап келип секирип кеткенин айтышууда. 
 
Белгисиз жаран өзүн-өзү өлтүрүү үчүн көп кабаттуу үйдүн жогорку кабатына чыкканы тууралуу маалымат милицияга саат 12:39да түшкөн болчу.