Базар-Коргондо мугалимдердин эмгек өргүүсүнүн акчасын мектептин директору өзү алып алган

 Базар-Коргон районундагы №3 мектептин директору мугалимдерин эмгек өргүүсүнүн акчасын өзүнө ыйгарып алган. Бул тууралуу депутат Айбек Алтынбеков Бюджет жана финансы комитетинин жыйынында билдирди.
 
Ал буга чейин бул маселе боюнча Билим берүү жана илим министринин орун басары Надира Жусупбековага кайрылганын айтты.
 
Жжусупбекова министр кызматкерлер менен өзү жолуккан деп жооп берди.
 
 «Биз иликтөө жүргүзөлү, эгер андай фактылар болсо, анда укук коргоо органдарына өткөрүп бергиле деп айттык. Биз баары жакшы деген жооп алдык. Бирок буга карабастан министр өзү мектеп жамааты менен жолукту. Бүгүн ал келет жана биз бул маселени чечебиз», - деди ал.