Баласын эмизип жатып уктап калган. Токмокто 33 жаштагы эненин наристеси чарчап калган

Токмокто 33 жаштагы эне наристесин эмизип жатып уктап калып, наристе чарчап калган. Бул тууралуу Чүй облустук ички иштер башкармалыгынын басма сөз кызматы билдирди.
 
Маалыматка ылайык, 2021-жылдын 14-октябрында Токмок шаарынын Токмок ШИИБдин нөөмөт бөлүмүнө 2021-жылдын 11-августунда төрөлгөн С.Э.нин өлүмү тууралуу билдирүү түшкөн. Окуя болгон жерге ыкчам тергөө тобу келгенде, Б.С.нын 33 жаштагы апасы баласын эмизип жатып уктап калганын, наристе думугуп чарчап калганын билдирген.
 
Аталган факт КЖБРине Жазык кодексинин 135-беренеси (Этиятсыздыктан өлүмгө алып келүү) менен катталып, сотко чейинки өндүрүш иши башталган жана соттук-медициналык экспертиза дайындалган. Чарчап калган С.Э.нин сөөгү Токмок шаарынын өлүк кармоочу жайына жеткирилген.
 
Учурда тергөө амалдары жүрүп жатат.