Кытай коронавирусту толук жеӊдиби?

 Кытайда июль айынан бери биринчи жолу өлкөдө коронавирустук инфекциянын бир дагы жаңы учуру аныкталган жок. Бул тууралуу Рейтер агенттиги Кытай Эл Республикасынын Саламаттыкты сактоо министрлигине таянуу менен билдирди.
 
Кытайдын тиешелүү департаменти инфекциянын Кытай боюнча жайылышын токтотконун жарыялады жана июлдун аягында башталган учурдагы COVID-19 тез арада толугу менен токтотуларын белгиледи.
 
Кытай Эл Республикасынын Саламаттыкты сактоо министрлигинин маалыматы боюнча, 20 -июлда Кытайдын чыгышындагы Нанкин шаарындагы аэропорттун бир нече кызматкери Индиянын коронавирус түрүн жуктуруп алышкан. Андан кийин миңден ашуун кишиге инфекция диагнозу коюлган. Эпидемия жергиликтүү бийликтерге өлкө боюнча эпидемияга каршы катуу чараларды көрүүгө түрткү берген.