Ош шаарындагы оор санитардык-эпидемиологиялык кырдаалга байланыштуу бардык маданий иш-чаралар (концерттик программалар, календардык иш-чаралар, массалык спорт беттештер) 1-июлга чейин токтотулган. Бул тууралуу шаардык мэриянын басма сөз кызматы билдирди.
Төмөнкүдөй чектөөлөр киргизилген:
- коомдук транспорттун толуу коэффициенти 60-70 пайыздан ашпашы керек, жүргүнчүлөр тарабынан маска режиминин сакталышына көзөмөл жүргүзүлүшү керек;
- тазалоочу каражаттар коомдук транспорттун кире беришине орнотулушу керек;
- коомдук транспортто талап кылынган аралыкты сактоо;
- төлөмсүз байланыш тутумун (терминалдар аркылуу) колдонууга үндөйт;
- унаалардын ичин кеминде үч жолу жууп, тазалоо керек;
- ар бир каттамдан кийин эшик туткаларын, отургучтарды жана кармагычтарды тазалоо керек;
- маршруттук таксилердин айдоочулары үчүн милдеттүү түрдө патенттин болушу.
Мындан тышкары, шаардын коомдук жайларындагы рейддик иш-чаралар күчөтүлөт. Учурдагы эпидемиологиялык кырдаалга байланыштуу Ош шаарында кошумча үч мобилдик топ уюштурулган.
Шаардын бардык базарларында жумасына бир жолу санитардык күн өткөрүлүп, тиешелүү кызматтар аймактарды тазалашат.
Ресторандарда, тойканаларда жайларды ээлөө жалпы орундардын 50 пайызынан ашпашы керек, санитардык дистанциянын ченемдерин так сактоо керек.
Эгерде эпидемиологиялык кырдаал курчуп кетсе, 1-июлдан баштап тойлорго жана ресторандарда жана кафелерде майрамдык иш-чараларга чектөө киргизилиши мүмкүн.
Билим берүү мекемелериндеги бүт окуу процесси онлайн режиминде жүргүзүлөт. Учурда №52 жана №18 мектептердин базасында бейтаптарды амбулатордук дарылоо үчүн күндүзгү ооруканалар ачылды.
