Садыр Жапаров иш сапары менен Баткен жана Ош облустарына барат

27-29-майда президент Садыр Жапаров иш сапары менен Баткен жана Ош облустарына барат. Бул тууралуу президенттик администрациянын басма сөз кызматынан билдиришти.

Маалыматка ылайык, президент чек ара айылдарынын тургундары менен жолугушуп, мамлекеттик чек ара тилкелерин делимитациялоо жана демаркациялоо процессин тездетүү максатында кырдаал менен түздөн түз жеринде таанышат.